Prazo de presentación de solicitudes: até o 5 de agosto de 2008 (e durante o mes de xaneiro de 2009).
Organismo convocante: Dirección Xeral de Promoción Industrial e da Sociedade da Información da Consellaría de Innovación e Industria
Obxecto da convocatoria: selección das entidades colaboradoras que participarán na xestión das subvencións para a promoción do acceso empresarial á sociedade da información en Galiza entre os traballadores por conta propia dados de alta no Réxime Especial de Traballadores Autónomos.
As entidades colaboradoras terán como cometido a promoción da sociedade da información, actuando como canle entre os beneficiarios das accións subvencionables e a consellería. Esta colaboración estenderase desde a comprobación inicial dos requisitos documentais dos solicitantes da axuda, realización ante a consellería dos trámites para solicitar a axuda, a execución das accións vinculadas á axuda, o adianto da contía da axuda aos beneficiarios mediante o correspondente desconto en factura, a xustificación da axuda e a súa certificación ante a consellería. Con posterioridade as colaboradoras recuperan da consellería os importes subvencionados.
As entidades que soliciten a adhesión e obteñan a consideración favorable da súa solicitude, deberán posteriormente asinar un convenio de colaboración con esta consellería e acadarán a condición de entidades colaboradoras, con suxeición ao disposto na Lei 38/2003, do 17 de novembro, xeral de subven- cións, así como na Lei 9/2007, do 13 de xuño, de subvencións de Galicia.
Convocatoria: Orde de 26 de xuño de 2008, DOG Nº 29 de 4 de xullo
Prazo de presentación de solicitudes: O prazo de presentación de solicitudes de participación no ano 2008 será dun mes contado a partir do día seguinte ao da publicación desta orde no DOG. Así mesmo, establécese un novo prazo no ano 2009 para solicitar a condición de entidade colaboradora, que estará aberto durante todo o mes de xaneiro de 2009.
